ДУШАНБЕ, 6 авг – Sputnik. Вазорати корҳои дохилаи Тоҷикистон хабар додааст, ки ахирна ба ШВКД-1 дар ноҳияи Фирдавсӣ марди 43-солаи сокини пойтахт муроҷиат намудааст, ки марди 30-солаи сокини шаҳри Душанбе бо роҳи фиреб ба бовариаш даромада аз ӯ 753 ҳазор доллари амрикоӣ гирифта аст.
Шикоятбурда гуфтааст, ки ин марди 30-сола ба ӯ ваъда додааст, ки аз хориҷа барои равнақи тиҷораташ маводи истифодабарии чилимро дастрас менамояд, аммо номбурда то ҳол вадаашро иҷро накардааст.
Ӽамзамон кормандони милитсияи Тоҷикистон зимни гузаронидани чорабиниҳои оперативӣ-ҷустуҷӯӣ, марди 37-солаи сокини шаҳри Душанбе бо гумони қаллобӣ дастгир карданд.
Тибқи иттилои манбаъ, номбурда, моҳи октябри соли 2019 бо роҳи фиреб ба боварии марди 37-солаи сокини пойтахт даромада, аз ӯ 60 ҳазор доллар гирифта, ваъда додааст, ки дар муддати кӯтоҳ аз хориҷа барои равнақи тиҷораташ якчанд намуд маҳсулот дастрас менамояд.
ВКД хабар додааст, ки шахси боздоштшуда маблағӽои гирифтаро ба манфиати шахсиаш сарф намуда, то ҳол барнагардонидааст.
Нисбати гумонбаршаванда аз тарафи Прократураи генералии Тоҷикистон парвандаи ҷиноятӣ бо моддаи 247 қисми 4 банди “б” оғоз гардида, тафтишот идома дорад.