ДУШАНБЕ, 30 июл — Sputnik. Вазорати тандурустии Қазоқистон аз афзоиши ҳолатҳои сироятёбӣ аз вируси COVID - 19 хабар медиҳад.
Ин ниҳод мегӯяд, дар 24 соати ахир дар қаламрави ҷумҳурӣ боз 3107 ҳолати нави гирифторӣ ба вирус сабт гардид, дар ҳоле, ки як рӯз қабл ин рақам ба 3095 нафар баробар буд.
Аз 3107 мубталоёни ахири, бештари онҳо дар Нур-Султон, Алмаато ва вилояти Қарағанда мебошанд.
Дар маҷмӯъ, дар кишвар 1 347 467 ҳолат тасдиқ шудааст, ки аз он 1 308 626 нафар шифо ёфтаанд.
Маврид ба зикр аст, ки коронавирус мёни кишварҳои минтақа бештар аз ҳама дар Қазоқистон ва Ӯзбекистон паҳн мешавад.
Ёдовар мешавем, ки ахиран Ҷамолиддин Абдуллозода, вазири тандурустии Тоҷикистон гуфт, ки феълан ягон ҳолати тасдиқшудаи гирифторӣ ба бемории коронавирус дар ҷумҳурӣ ҷой надорад.
Дар зимн ҳушдор дод, ки эҳтимоли вуруди коронавирус ба Тоҷикистон ҷой дорад.
"Вақте гардиши вирус асту муҳоҷирати аҳолӣ ҷой дорад, ворид шудани вирус аз эҳтимол дур нест", - афзуд Абдуллозода.
Вай таъкид намуд, ки барои пешгирӣ аз вуруди коронавирус, чун пештара дар гузаргоҳҳои марзӣ фаъолияти нуқтаҳои санитарию эпидемиологӣ идома дорад. Дар сурати ҷой доштани ҳарорати баланду набудани шаҳодатномаи ваксина ҳатман таҳлилҳо гузаронда мешаванд.