ДУШАНБЕ, 4 июл — Sputnik. Раҳбари Ҷумҳурии мардумии Луганск Леонид Пасечник гуфт, ки ҳадафи нави амалиёти вижа дар Украина пас аз озод кардани қаламрави ҶМЛ чӣ буда метавонад.
Вай таъкид кард, ки ҳоло барои таъмини амният нерӯҳои мусаллаҳи Украинаро аз марзҳои ин ҷумҳурӣ дур кардан лозим аст.
"Он силоҳҳои дурпарвоз, он РСЗО, ки ба артиши Украина, ки мутаассифона аз тарафи Ғарб расонида шуда буданд, ба қаламрави мо мерасанд ва таҳдиди бузург доранд", - гуфт Пасечник.
Ба гуфтаи вай, ҳудудҳои ҶМЛ озод карда шудааст, аммо амалиёти ҷангӣ идома дорад.
"Мо бояд душманро ба минтақае ақиб занем, ки ҳадди аққал барои мо бехатар бошад", - гуфт ӯ.
Раҳбари ҶМЛ афзуд, ки вазифаи ғайринизомисозӣ ва нозизудоии тамоми қаламрави Украина низ муҳим боқӣ мемонад.
Ёдовар мешавем, ки рӯзи 3 июл раҳбари вазорати дифоъи Русия Сергей Шойгу ба президенти Русия Владимир Путин дар бораи тасарруфи Лисичанск ва таҳти назорати нерӯҳои ҶМЛ гузаштани он хабар дода буд.
Артиши русия ва нерӯҳои мардумии ҶМЛ шаҳр ва нуқтаҳои ахолинишини наздикро зери назорат доранд.
Баъдан Ситоди кулли Украина дар бораи ақибнишинии нерӯҳои мусаллаҳи ин кишвар аз Лисичанск хабар дод. Онҳо қайд карданд, ки идомаи дифои шаҳр ба далели "бартарии чандинкаратаи" нерӯҳои Русия дар ҳайати шахсӣ ва аслиҳа ба "оқибатҳои марговар" оварда мерасонад.
Ёдовар мешавем, ки Русия аз 24 феврал ба ин сӯ дар Украина амалиёти вижа анҷом медиҳад. Раисиҷумҳури Русия Владимир Путин ҳадафи онро “ҳимояи мардуме номид, ки тайи 8 сол аз ҷониби режими Киев мавриди генотсид қарор гирифтаанд”.
Ҳамин тариқ, Ҷумҳурии халқии Донетск аллакай Волноваха, як маркази муҳими стратегӣ дар ҷануби Донетск, Мариупол - бузургтарин шаҳр дар соҳили баҳри Азов ва Святогорскро таҳти назорат дорад.