Теъдоди зарбаҳои мушакӣ, ҳавоӣ ва артиллерияи Русия ба тамоми умқи пушти амалиётии қувваҳои мусаллаҳи Украина, аз ҷумла ба минтақаҳои ғарбӣ рӯз ба рӯз меафзояд. Мушакҳои болдори дақиқзани дурпарвоз дар ғайринизомисозӣ нақши асосӣ доранд.
Рӯзи 26 июн ҳавопаймоҳои дурпарвози нерӯҳои ҳавоии Русия ва киштиҳои флоти баҳрӣ ба инфрасохтори низомии Украина ҳамлаи мушакии навбатӣ анҷом дода, ба се маркази таълимии қувваҳои мусаллаҳи Украина дар вилоятҳои Чернигов, Житомир ва Лвов, бомуваффақият зарба заданд.
Дар натиҷа бригадаҳои 65, 66-уми савора ва Бригадаи 46-уми авиамобилӣ аз захираҳои стратегии қувваҳои мусаллаҳи Украина, ки қабл аз фиристодан ба "фронти шарқӣ" дар ақибгоҳ тамрин анҷом медоданд, қобилияти ҷангии худро комилан аз даст доданд. Интиқоли се воҳиди украинӣ ба минтақаи ҷанг халалдор шудааст.
Илова бар ин дар Киев чаҳор мушаки русӣ коргоҳҳои корпоратсияи “Артём”-ро, ки дар он ҷо лавозимоти ҷангӣ истеҳсол мешуд, корношоям карданд.
Дар давоми рӯз артиллерия, қӯшунҳои мушакӣ, артиш ва авиатсияи тактикии қувваҳои мусаллаҳи Русия 286 ҷойи ҷамъоварии ҳайати шахсӣ ва техникаи ҳарбӣ, 64 мавқеи артиллерӣ, ду нуқтаи фармондеҳӣ ва чаҳор анбори муҳимоти қувваҳои мусаллаҳи Украинаро ҳадаф қарор доданд. Ин идома ва таҳияи тактикаи нобудсозии амалиётии душман дар паси хатти ҷабҳа, намоиши иқтидори қувваҳои мусаллаҳи Русия ба стратегҳои ИМА ва НАТО мебошад.
Як рӯз пеш нерӯҳои Русия ба ҳадафҳои низомӣ дар вилоятҳои Киев, Днепропетровск, Николаев ва Харков ҳамлаҳои мушакӣ анҷом доданд.
Дар баробари ин дар вилояти Николаев, дар маркази фармондеҳии Бригадаи 35-уми пиёдагарди баҳрӣ гурӯҳи оперативии Ситоди кулли қувваҳои мусаллаҳи Украина ва дар Николаев анбори аслиҳаву лавозимоти ҳарбии хориҷӣ нобуд карда шуд. Дар Донбасс рӯзи 25 июн тақрибан 80 нафар "ихтиёрӣ"-и лаҳистонии нерӯҳои мусаллаҳи Украина бо як зарбаи дақиқ нобуд карда шуданд.
Фармондеҳии Украина саъй дорад, баҳонае барои кутоҳии худ дар қиболи зарбаҳои мушакии азими Русия, назири зарбаҳои Х-22, “Оникс”, “Искандар” пайдо кунад.
Киев ба таҳвили системаҳои дифои ҳавоии амрикоии “Patriot” умед дорад, ки барои ҳифозати фазои маҳдуд - 90 дараҷа ва масофаи то 80 км пешбинӣ шудаанд. Онҳо аксари вақт дар муқобила бо мушакҳо ва ҳавопаймоҳои бесарнишини кишварҳои ҷаҳони сеюм мағлуб мешаванд.
Тактикаи ғайринизомисозӣ аз дур
Истифодаи ҳамарӯзаи тӯпхонаҳо, зарбаҳои мушакии густурда ва дақиқи Русия ба иншооти НМУ дар як қаламрави васеъ ба воситаи муассиртарини ғайринизомисозии Украина бадал ва тазъифи рӯҳияи нерӯҳои НАТО дар берун аз марзҳои он шудааст.
Муваффақият ба бартарии технологии қувваҳои мусаллаҳи Русия, кори ҳамоҳангшудаи ситодҳо дар ҳама сатҳҳо, иктишофии ҳарбӣ (кайҳонӣ, радиотехникӣ, разведка ва махсус), мутахассисони силоҳи мушакӣ дар хушкӣ дар баҳр ва ҳаво асос ёфтааст.
Тайёрии ҷангӣ ва техникаи нерӯҳои Русия имкон медиҳад, ки амният ва соҳибихтиёрии кишвар ҳифз шавад. Корҳои ҳисобшудаи ҷангӣ барои ҳафтаҳо, моҳҳо ва ҳатто солҳо пешбинӣ шудаанд. Тактикаи хуб андешидашуда ва логистикии қувваҳои мусаллаҳи Русия ба қувваҳои мусаллаҳи Украина (ва НАТО) имкони ҳамлаи ҷавобиро намедиҳад.
Захираҳои мушакҳо ва хумпораҳои Русия тамомнашавандаанд, арсеналҳо имкон медиҳанд, ки амалиёти ҷангии фаъолро "аз дур" анҷом дода, талафоти кормандонро то ҳадди ақал кам кунанд. Хамин тавр, мушакҳои болдори Х-22, ки дар боло зикр шуд, ба миқдори бештар аз 1000 адад истеҳсол карда шуд.
Ин ҳаюло аз садои баланд бо вазни парвоз тақрибан 6 тонна аз ҷониби бомбаандозҳои дурпарвози Русия “Ту-22М3” бомуваффақият истифода мешавад. Мушаки Х-22 қодир аст, ки ба системаҳои муосири дифои ҳавоӣ ворид шуда, ҳатто ба ҳадафҳои бузурги ҷангии душман (вазни кулоҳак то 950 кг, суръат то 4000 км/соат, масофаи то 550 км) зарари ҷиддӣ расонад.
Тибқи маълумоти Вазорати дифои Федератсияи Русия, дар солҳои охир шумораи интиқолдиҳандагони аслиҳаи дақиқ 13, арсенали мушакҳои болдори заминӣ, ҳавоӣ ва баҳрӣ 37 баробар афзоиш ёфтааст.
Истеҳсоли пай дар пайи мушакҳои нави Х-101 (масофа то 5500 километр), "Калибр" (то 2600 километр), "Кинжал" (то 2000 километр), "Оникс" (то 800 километр) дар се баст ташкил карда мешавад ва албатта, душман то ба охир расидани амалиёти махсуси ғайринизомисозӣ ва безараргардонии Украина мунтазири хароб шудани арсеналҳои Русия ё суст шудани зарбаҳо нест.
Нерӯҳои мусаллаҳи Украина талафоти зиёд дида, дар Донбасс ақибнишинӣ мекунанд. Ғарб қодир нест, ки фарқияти эҳтимолиро ҷуброн кунад. Баръакс Борис Ҷонсон, нахуствазири Бритониё, ки дар шикасти нерӯҳои украинӣ дар Северодонетск ва Лисичанск даст дошт, аз Зеленский хост, то нишасти G7 "мубориза"-ро идома диҳад.
Режими Киев то ҳол нақша дорад, ки артиши Русияро "дар 20 рӯз" бо истифода аз чаҳор ҳавопаймо мағлуб кунад.
Ғарб тақозо мекунад, ки Русияро бо интиқоли силоҳҳои нав "боздорад" ва ваъда медиҳад, ки ба ҳамлаи ҷавобӣ рафта, артиши Русияро ба мавқеи то 24 февралаш бармегардонад.
Бо ин мақсад вазири дифои Украина ният дорад, ки нерӯҳои мусаллаҳи Украинаро ба як миллион нафар расонад, ҳарчанд сарбозон ва фирориён амалишавии чунин ҳадафро ғайриимкон мекунанд.
Ситоди кулли қувваҳои мусаллаҳи Украина ҳамлаҳои мушакӣ ба Белгородро ба нақша гирифтаасту маконҳо ва иншооти зерсохтро интихоб мекунад.
Воқеан, хусусияти террористии амалҳои қувваҳои мусаллаҳи Украинаро касе қаблан пинҳон намекард. Стратегия дар қаламравҳои таҳти контроли Федератсияи Русия ошкоро "террори назоратшаванда" номида мешавад, ки Хадамоти амниятии Украина, Сарраёсати истихбороти Украина ва дафтари раёсатҷумҳурии ин кишвар роҳандозӣ мекунанд.
Сардори истихбороти низомӣ Кирилл Буданов ҳатто дар матбуоти ғарбӣ инро тасдиқ кард. Раҳбарияти сиёсии Украина намефаҳмад, ки "террори назоратшаванда" асос медиҳад, ки тамоми давлати Украинаро террорист донанд. Ва ин як далели муҳим ба манфиати амалиёти вижаи Русия аст.
Ба канали коршиноси низомӣ Александр Хроленко дар “Telegram” пайвандед.