ДУШАНБЕ, 3 июн — Sputnik. Дар Ваҳдат тамринҳо барои ҷилавгирӣ аз ҳамлаҳои гурӯҳҳои созмонёфтаи ҷиноӣ ба як корхонаи чинӣ дар Тоҷикистон баргузор шуданд, гузориш медиҳад Вазорати корҳои дохилии кишвар.
Машқҳо тибқи нақшаи Хадамоти давлатии "Муҳофизат"-и Вазорати корҳои дохилӣ ва нақшаи ҳимояи иншооти муҳофизатшавандаи корхонаи тиллои ҶДММ "Покрут"-и шаҳри Ваҳдат баргузор гардидааст.
Ҳадаф аз баргузории машқҳо санҷиши омодагии ҷангии ҳайати шахсӣ барои пешгирии сари вақт аз ҳуқуқвайронкуниҳо ва ҷиноятҳои аз ҷониби гурӯҳҳои муташаккили ҷиноӣ ва инчунин наҷоти ҳаёти шаҳрвандону муҳофизати маконҳои мухофизатшаванда гуфта мешавад.
Ба иттилои манбаъ, чорабинии низомӣ бо ҳузури сардори Хадамоти давлатии "Муҳофиза", генерал-майори милитсия Анварҷон Ализода, сафири Чин дар Тоҷикистон Ҷи Шумин, директори генералии ҶДММ "Покрут" дар Ҷумҳурии Мардумии Чин Чжан Хуэй ва дигар шахсони расмӣ баргузор шудааст.
"Иштирокчиёни тамрин- ҳайати шахсии Хадамоти давлатии "Муҳофиза"-и ВКД, ШХДМ ва ШВКД дар шаҳри Ваҳдат аз иҷрои он ба хубӣ баромаданд", - афзуд манбаъ.
Рафти тадобири омодабошӣ исбот кард, ки кормандони мақомоти корҳои дохилӣ аз иҷрои вазифа ва уҳдадориҳояшон сарбаландона мебароянд.