ДУШАНБЕ, 17 май — Sputnik. Таслимшавии ҷангҷӯёни "Азов"* ва низомиёни украинӣ, ки дар "Азовстал" -и Мариупол муҳосира шуда буданд, рӯзи 16 май оғоз ёфт.
Дар ин бора Вазорати дифои Русия хабар додааст.
"Дирӯз таслимшавии ҷангҷӯёни воҳиди миллатгароёни "Азов"* ва низомиёни украинӣ, ки дар корхонаи "Азовстал" дар Мариупол муҳосира шуда буданд, оғоз шуд. Дар як рӯзи охир 265 ҷангҷӯ силоҳ ба замин гузошта, таслим шуданд, аз ҷумла 51 нафар ҷароҳатҳои вазнин доранд", — гуфт генерал.
Ба гуфтаи ӯ, ҳар нафаре, ки ба ёрии тиббӣ ниёз дорад, ба бемористони Новоазовски Ҷумҳурии Мардумии Донетск фиристода шудааст.
Илова бар ин, Вазорати хориҷаи Русия гуфтааст, ки музокироти Русия ва Украина қатъ шудааст, зеро Киев аз ин раванд даст кашидааст.
Ёдовар мешавем, ки Русия амалиёти низомӣ дар Украинаро рӯзи 24 феврали соли равон оғоз кард. Президент Владимир Путин ҳадафи онро "ҳимояи одамоне номид, ки ҳашт сол боз таҳти таъқиб ва наслкушӣ аз ҷониби режими Киев қарор гирифтаанд".
Барои ин, ба гуфтаи ӯ, дар назар аст, ки "нозизудоӣ ва ғайринизомисозии Украина" анҷом шуда, тамоми ҷинояткорони ҷангии масъули "ҷиноятҳои хунини зидди мардуми осоишта" дар Донбасс ба ҷавобгарӣ кашида шаванд.
* Ҷангиёни "Азов", ки ба ҳайати нерӯҳои мусаллаҳи Украина ворид аст, дар Русия ифротӣ эътироф ва мамнуъ эълон шуда, алайҳи ҷангиёни он дар Федератсияи Русия парвандаи ҷиноӣ боз шудааст.