ДУШАНБЕ, 4 май — Sputnik. Қосим-Ҷомарт Тоқаев, раисҷумҳури Қазоқистон фармон дар бораи таъсиси се вилояти навро имзо кард. Дар ин бора рӯзи чаҳоршанбе дафтари матбуоти президенти Қазоқистон хабар дод.
Ҳамин тариқ, тибқи фармони президенти ин кишвар вилоятҳои Улитау, Жетису ва Абай ташкил карда шуданд.
Гуфта мешавад, ки шаҳри Семей ба маркази маъмурии вилояти Абай табдил меёбад. Ин вилояти тозатаъсис навоҳии Оқсуат, ноҳияҳои Абай, Аягоз, Бескарагай, Бородулиха, Жарма, Урҷар, Кокпектин, шаҳрҳои Семей ва Курчатовро шомил мешавад.
Минтақаи дуюми нав Жетису мебошад. Маркази вилоят ин вилоят шаҳри Талдикурғон таъйин шуд.
Он дар натиҷаи аз вилояти Алмаато ҷудо кардани минтақаҳои Оқсу, Алакол, Ескелдин, Қаратол, Кербулоқ, Кӯксу, Панфилов, Саркан, шаҳрҳои Талдиқӯрғон ва Текели ташкил шудааст.
Боз як вилояти нав Улитау ном дорад ва Жезказган маркази он гуфта мешавад. Тибқи фармони президент, он як қисми қаламравҳои вилояти Қарағанда аз қабили Жанаарка, ноҳияҳои Улитау, шаҳрҳои Жезказган, Қаражал ва Сатпаевро шомил мешавад.
Раҳбари Қазоқистон рӯзи 16 март дар бораи таъсиси минтақаҳои нав хабар дода буд.