ДУШАНБЕ, 4 май — Sputnik. Ҳангоми сафар ба Алабама, ки дар он ҷо барои Киев системаҳои зиддитанкии "Javelin" истеҳсол мешавад, президенти ИМА Ҷо Байден боз ба ҳолати ногувор дучор шуд.
Раҳбари ИМА зимни суханронии расмӣ дар назди кормандони корхона Русия ва Украинаро омехта кард.
"Пеш аз ҳамлаи Русия мо итминон ҳосил кардем, ки Русия системаҳои "Javelin" ва силоҳҳои дигар дорад, то дифои худро мустаҳкам кунад, то Украина омода бошад", - гуфт ӯ.
Ҳамзамон дар навор дида мешавад, ки худи Байден ин хатогиашро пай набурдааст ва гӯё чизе нашудааст.
Баъдан зимни суханронӣ раҳбари Кохи сафед буҳрони Украинаро як нуқтаи гардиш дар таърих номид. Чунин ҳодисаҳо, ба гуфтаи ӯ, на бештар аз шаш ё ҳашт сол рух медиҳанд.
Ёдовар мешавем, бори аввал нест, ки раҳбари 79-солаи ИМА ба вазъияти ногувор дучор мешавад.
Масалан, ӯ борҳо ноиби президенти ИМА Камала Ҳаррисро сарвари давлат гуфта, насаби Владимир Путинро нодуруст талаффуз кардааст, вожаҳои "ваксина", "шиддат" ва ҳамчунин Сурияро бо Либия ва Ироқро бо Эрон омехта кардааст.
Ҳамчунин Ҷо Байден пас аз як суханронӣ дар иёлати Каролинаи Шимолӣ дасти худро барои дастфишорӣ ба сӯйи курсии холӣ дароз кард.
Дар видеое, ки шабакаи телевизионии NBC "News" нашр кардааст, раҳбари Амрико пас аз анҷоми суханрониаш дар назди тамошобинони зиёд аз ҷамъомадагон дар саҳна рӯй гардонд ва дасти худро ба тарафи касе дароз кард.
Дар баробари ин дида мешавад, ки дар паҳлуи Ҷо Байден касе нест. Ин имову ишора ба кӣ буд, рӯшан нест.