ДУШАНБЕ, 3 май — Sputnik. Даври панҷуми Чемпионати Тоҷикистон дар риштаи футбол миёни дастаҳои Лигаи олӣ барои дастаи Клуби марказии варзишии артиш - КВМА аввалин бохт оварду "Равшан"-и Зафаробод аввалин пирӯзиашро сабт кард.
Ба иттилои Кумитаи миллии олимпии Тоҷикистон, КМВА дар майдони худ аз тими "Равшан"-и Кӯлоб бо ҳисоби 1:2 шикаст хӯрд.
Як голи бозингари тими мизбонро Шарафҷон Солеҳов ва дастаи Кӯлобро Коуасси Инносент ва Абдухалил Боронов ба ҳадаф расонданд.
"Равшан"-и Зафаробод бошад, бар тими "Истаравшан" бо ҳисоби 2:1 пирӯз шуд. Ҳисобро футболбози “Истаравшан” Мбеке Сиябатчу Деудони кушод, аммо бартарияти ин тим дер давом накард.
Бозигари зафарободӣ Бахтиёр Зарипов ду гол зада, аввалин пирӯзии "Равшан"-и Зафарободро дар Лигаи олӣ таъмин кард.
Дар бозии дигар "Регар-ТадАЗ" зимни бозӣдар майдони худ тими "Эсхата"-ро бо ҳисоби 3:1 мағлуб кард. Голҳоро дар ҳайати тими ғолиб Дилшод Бозоров, Фатҳулло Фатҳуллоев ва Алиҷони Айнӣ заданд.
Дастаи "Хатлон"-и Бохтар дар ин давр бо "Хуҷанд" мусовӣ, бидуни ҳеч голе бозиро анҷом дод, аммо пешсафиашро дар ҷадвали мусобиқа нигоҳ дошт.
Кумита афзуд, дар даври шашум 7-уми май "Эсхата" бо "Равшан"-и Зафаробод, "Файзканд" бо "Регар-ТадАЗ", 9-уми май "Истаравшан" бо КМВА, 12-уми май "Хуҷанд" бо "Равшан"-и Кӯлоб ва "Хатлон" бо "Истиқлол" вомехӯранд.
Дар бозии дигар "Регар-ТадАЗ" зимни бозӣдар майдони худ тими "Эсхата"-ро бо ҳисоби 3:1 мағлуб кард. Голҳоро дар ҳайати тими ғолиб Дилшод Бозоров, Фатҳулло Фатҳуллоев ва Алиҷони Айнӣ заданд.
Дастаи "Хатлон"-и Бохтар дар ин давр бо "Хуҷанд" мусовӣ, бидуни ҳеч голе бозиро анҷом дод, аммо пешсафиашро дар ҷадвали мусобиқа нигоҳ дошт.
Кумита афзуд, дар даври шашум 7-уми май "Эсхата" бо "Равшан"-и Зафаробод, "Файзканд" бо "Регар-ТадАЗ", 9-уми май "Истаравшан" бо КМВА, 12-уми май "Хуҷанд" бо "Равшан"-и Кӯлоб ва "Хатлон" бо "Истиқлол" вомехӯранд.
Инчунин 8-уми май миёни дастаҳои "Истиқлол" ва "Хуҷанд" бозӣ барои Суперҷоми Тоҷикистон-2022 доир мегардад.