ДУШАНБЕ, 25 апр — Sputnik. Аз суиқасд ба ҷони рӯзноманигори шинохта Владимир Соловёв пешгирӣ карда шуд, хабар дод дафтари равобит бо ҷомеаи Хадамоти федералии амният, ФСБ-и Русия.
Таъкид шудааст, ки суиқасд дар пайи амалиёти муштараки кормандони мақомоти федералии амният ва Кумитаи тафтишотии Русия ошкор шудааст.
"Гурӯҳи аъзои созмони террористии миллатгарои мамнуъ дар Русия "National Socialism/White Power"* - "Cотсиализми миллӣ/Нерӯи сафед"* ният доштаанд, фаъоли ҷамъиятӣ, рӯзноманигори шинохта Владимир Соловёвро кушанд", - омадааст дар иттилоия.
Ба иттилои манбаъ, ин ҷиноят бо дастури Хадамоти амнияти миллии Украина тарҳрезӣ шудааст.
Манбаъ афзуд, зимни бозҷӯӣ аз боздоштушдаҳо чор дастгоҳи таркандаи монанд ба "коктейли Молотов", 6 таппончаи ПМ, норинҷаки дастии навъи РГД-5, беш аз ҳазор тири қутрашон гуногун, шиносномаҳои тақаллубии украинӣ, адабиёти миллатгароёна мусодира шуд", - омадааст дар иттилоия.
Таъкид шудааст, ки боздоштшудаҳо шаҳрвандони Русия буда, аллакай шоҳидӣ дода истодаанд.
Онҳо эътироф кардаанд, ки ният доштанд, Владимир Соловёвро кушта, дар хориҷи кишвар паноҳ баранд.
Аз рӯи ин ҳолат Сарраёсати тафтишотии Кумитаи тафтишотии Русия парвандаи ҷиноӣ оғоз карда, ҷамъоварии далел идома дорад.
*-созмони террористии мамнуъ дар Русия