ДУШАНБЕ, 24 апр — Sputnik. Ҷорҷ Лариа Идаҷи, мудири минтақавии ЮНИСЕФ ахиран дар саҳифаи твиттерии худ навиштааст, ки дар як ҳафтаи ахир дар Афғонистон беш аз 50 писару духтар кушта шудаанд, иттилоъ додааст Sputnik Афғонистон.
Ҳамчунин вай таъкид кардааст, дар ин кишвар вазъи бархе кӯдаконе, ки захмӣ шудаанд, вахим арзёбӣ мешавад.
Ба гуфтаи ӯ, бар асари таркиш дар масҷиди Мавлавии Искандари вулусволии Имом Соҳиби вилояти Кундуз дастикам чаҳор кӯдак кушта ва бисёре аз кӯдакони дигар захмии вазнин шудаанд.
Мудири минтақаии ЮНИСЕФ ҳамлаҳои террористии ахирро шадидан маҳкум кард ва гуфт: “Зӯроварӣ алайҳи кӯдакон дар ҳама шаклҳо бояд фавран хотима ёбад”.
Қобили зикр аст, ки чанд таркиш дар як ҳафтаи ахир дар шаҳрҳои мухталифи Афғонистон ба қайд гирифта шудааст.
Бино ба гузоришҳо, дар пайи як силсила таркишҳои ахир дар Кобул, Балх ва Кундуз даҳҳо нафар кушта ва даҳҳо нафари дигар маҷруҳ шудаанд.
Ба иттилои бархе аз расонаҳо, ин амалҳои террористиро гурӯҳи “Давлати Исломӣ”* бар уҳда гирифтааст.
* - гурӯҳи террористии мамнуъ дар қаламрави Русия ва Тоҷикистон