ДУШАНБЕ, 10 апр — Sputnik. Раиси пешини Кохи сафед Доналд Трамп метавонад ба сабқат барои курсии президентии ИМА вориди корзори интихоботӣ шавад. Ин сиёсатмадор нияти худро дар як гирдиҳамоии тарафдоронаш дар Каролинаи Шимолӣ эълон кард.
"Ҳақиқат ин аст, ки ман ду бор ширкат кардам ва ду бор пирӯз шудам ва дафъаи дуюм натиҷа хеле беҳтар буд. Ҳоло мо шояд бори дигар ин корро кунем", - гуфт Трамп.
Пас аз ин ӯ пурсид, ки оё ҳозирон аз нияти ӯ ҷонибдорӣ мекунанд, ки ба ин суол посухи мусбат гирифтааст. Аммо сарвари собиқи ин кишвар нақшаҳои худро барои соли 2024 расман эълон накардааст. Илова бар ин Трамп бори дигар рақибони сиёсияшро ба тақаллуб дар натиҷаҳои интихоботи соли 2020 муттаҳам кард.
Моҳи декабри соли 2021 Трамп изҳор дошта буд, ки дар интихоботи оянда ширкат мекунад.
"Мо кӯшиш мекунем, ки чор соли дигар ба даст орем, агар не, пас аз чор сол мебинам", — гуфт у.
Ёдовар мешавем, ки интихоботи президентӣ дар Иёлоти Муттаҳида 3 ноябри соли 2021 баргузор шуд. Номзади демократҳо Ҷо Байден дар ин давр пирӯз шуд.
Трамп муддати тӯлонӣ аз эътирофи шикаст худдорӣ ва иддаъо кард, ки рақибаш тавассути қаллобӣ бартарӣ ба даст овардааст. Ӯ аз тариқи додгоҳҳо натоиҷи интихоботро ба баҳс кашид, аммо кӯшишҳояш бенатиҷа анҷом ёфтанд.