ДУШАНБЕ, 11 мар — Sputnik. Амалиёти вижа дар Украина бояд танҳо барои нобуд кардани озмоишгоҳҳои биологии амрикоие, ки дар наздикии марзҳои Русия ҷойгиранд, оғоз мешуд.
Чунин андешаро дар суҳбат бо Sputnik Тоҷикистон афсари собиқи Ситоди кулли нерӯҳои мусаллаҳи Русия Андрей Ковалев (ном иваз карда шуд – шарҳ аз идора.) баён кард.
Ба гуфтаи вай, ин корро ба хотири украиниҳо ва ояндаи онҳо анҷом додан лозим буд.
"Ғайринизомикунонӣ ва низизудоӣ - сохторҳои абстрактӣ мебошанд. Аммо ҳар як озмоишгоҳи биологӣ суроға, бино ва вазифа дорад. Бовар кунед, ин ба амнияти миллии Русия бевосита таъсир мерасонанд", - таъкид кард ҳамсуҳбат.
Ба гуфтаи вай, "аз силоҳи ҳастаӣ ҳам хатарноктар аст".
"Дар он сурат Маскав ҳадди аққал метавонад зарба занад ва агар силоҳи нав истифода шавад, он метавонад дар саросари кишвар зуд мунҳадим гардад, бе ягон зарар ба душман", - афзуд иштирокчии амалиёти ҷангӣ дар Чеченистон, Босния ва Ҳерсеговина, Косово, Абхазистон ва Сурия.
Ба андешаи ӯ, дар ин ҷо ҳич як ҳушдор ва ё тарс нест, балки танҳо мантиқ ва далел вуҷуд дорад.
"Ҷаҳон ҳатто тасаввур намекунад, биоозмоишгоҳҳои нави ҳарбӣ, ки дар Иёлоти Муттаҳида таҳия карда мешаванд, чӣ гуна хатари даҳшатнок доранд", - гуфт афсари собиқ.
Ёдовар мешавем, рӯзи 6 март намояндаи расмии Вазорати дифои Русия генерал-майор Игор Конашенков гуфт, дар ҷараёни амалиёти вижа дар Украина далелҳои поксозии изтирорӣ аз ҷониби Киев аз осори барномаи биологии ҳарбӣ кашф шудаанд.
Русия субҳи 24 феврал дар Украина амалиёти низомиро оғоз кард. Президент Владимир Путин ҳадафи онро "ҳимояи одамоне номид, ки дар тӯли 8 сол таҳти таъқиб ва наслкушӣ аз ҷониби режими Киев қарор қарор доштанд".
Барои ин, ба гуфтаи ӯ, дар назар аст, ки "ғайринизомикунонӣ ва нозизудоии Украина" анҷом ёфта, тамоми ҷинояткорони ҷангии масъули "ҷиноятҳои хунини зидди мардуми осоишта" дар Донбасс ба ҷавобгарӣ кашида шаванд.
Ба гуфтаи Вазорати дифои Русия, нерӯҳои мусаллаҳ танҳо ба зербинои низомӣ ва нерӯҳои Украина зарба мезананд, ба мардуми осоишта ҳеҷ чиз таҳдид намекунад.