ДУШАНБЕ, 11 фев — Sputnik. Теъдоди террористони "Давлати исломӣ"* дар Афғонистон ахиран ду баробар афзоиш ёфтааст.
Дар ин бора вазири дифои Русия Сергей Шойгу дар мулоқот бо ҳамтои бритониёияш Бен Уоллес иттилоъ дод.
Илова бар ин Шойгу, вазири дифои Русия аз эҳтимоли истифодаи силоҳи нерӯҳои эътилофи ғарбӣ дар Афғонистон аз сӯйи террористон изҳори нигаронӣ кард.
"Мехоҳам, таҷрибаи ғамангези интиқоли аслиҳа ба давлатҳои алоҳидаро ёдовар шавам. Хотиррасон мекунам, ки дар Афғонистон ба маблағи қариб 80 миллиард доллар (ред.) силоҳ боқӣ монда буд", — гуфт Шойгу.
Ғайр аз ин, ба гуфти вазир, дар ин мамлакат комплекси зенити-ракетии "Javelin"-и бритониёӣ, инчунин Комплекси сайёри мушакии зенитӣ бар зидди ҳавопаймоҳо боқӣ мондаанд, ки зиёда аз 150 адад мебошанд.
Ба гуфтаи Сергей Шойгу, бо назардошти афзоиши шумори ҷангҷӯёни ДИИШ* дар Афғонистон ҳамаи ин хатар эҷод мекунад.
"Барои мо фаҳмидани он душвор аст, ки ин силоҳҳо ба куҷо ва ба кадом дастҳо меафтанд. Мо намехоҳем, ки ин мавзуъ дар канор равад. Мисли мавзуи паноҳандагон аз Афғонистон. Мисли мавзуи қочоқи маводи мухаддир аз Афғонистон", - хулоса кард вазири мудофиаи Русия.
* ДИИШ – созмони “Давлати исломӣ” бо қарори Додгоҳи Олии Федератсияи Русия аз 29 декабри соли 2014 созмони террористӣ эътироф шудааст.