ДУШАНБЕ, 12 фев — Sputnik. Вазорати умури дохилии Тоҷикистон аз марги мудҳиши як чавонзан дар пайи садамаи нақлиётӣ дар шимоли кишвар хабар медиҳад.
Бино ба гузориши манбаъ, ин ҳодисаи нохуш нисфирӯзии 11-уми феврал, тахминан соати 13:40- дақиқа рух додааст.
Ронандаи автомашинаи "Дулан", ки боиси марги ин зан шуд, сокини 30- солаи шаҳри Хуҷанд Салимов Сабур Солиевич будааст.
Ӯ ҳангоми ҳаракат дар ҳудуди шаҳри Хуҷанд бехатарии ҳаракати роҳро таъмин карда натавониста, пиёдагард Солиева Матлуба Каримовна, сокини 36-солаи ноҳияи Бобоҷон Ғафуровро пахш намудааст.
Дар натиҷа пиёдагард Солиева М.К. аз ҷароҳатҳои ҷисмонии бардоштааш дар ҷойи ҳодиса ба ҳалокат расидааст, афзуд манбаъ
Пиёдагарди дигар, ки ҳамроҳи ӯ буд, Дадобоева Мухбираи 34-сола сокини ноҳияи мазкур будааст, ҷароҳат бардошта дар беморхона бистарӣ гаштааст.
ВУД мегӯяд, вобаста ба ин ҳодиса таҳқиқот идома дорад.