ДУШАНБЕ, 22 янв — Sputnik. Як гумонбар дар ғорати зани сароянда ва оҳангсоз Александр Градский Марина Коташенко боздошт шуд, хабар медиҳад "Telegram-канал"-и "112".
Ба иттилои манбаъ, ӯ шаҳрванди 25-солаи Тоҷикистон буда, дар бозор кор мекардааст.
Дар маҷмуъ онҳо се ҷинояткор буданд. Дувумӣ тавонист Русияро тарк кунад ва дар Қазоқистон пинҳон шавад, ки маконаш ҳоло маълум нест.
Қаблан дар расонаҳо маълумоте пайдо шуда буд, ки пулис тавонистааст мошини сафеди "Mercedec"-еро пайдо кунад, ки ҳамлагарон бо он фирор карда буданд.
Гуфта мешавад, мошин дар маҳаллаи Соколникии пойтахти Русия бидуни рақамҳои давлатӣ аз зери барф пайдо пайдо шудааст.
Мошин бидуни рақами давлатӣ будааст, аммо ба тафтишот муяссар шуда, ки соҳиби мошин Халлоков, сокини вилояти Туларо пайдо кунад.
Муайян гардидааст, ки вай ба ивази мошини "Киа" ва пардохти иловагӣ худравро ба Умед Ҷабборов, зодаи Тоҷикистон дода будааст. Соҳиби дуюмро ҳам ёфтанд ва аллакай бозпурсӣ карданд.
Ҷабборов гуфтааст, ки чанде пеш дар ноҳияи Одинтсово мошинро ба ҳамватани худ фурӯхтааст.
Ёдовар мешавем, ҳодисаи ғорати ҳамсари Градский дар шоҳроҳи Наро-Фомински назди Маскав рӯзи 16-уми январ маълум шуд.
Се марди мусаллаҳ садама тарҳрезӣ карда, ба мошини Коташенко савор шуда, ӯро маҷбур намудаанд, ки ба хонаи худ баргардад ва 100 миллион рублро дуздиданд.
Коташенко гуфт, пас аз дуздидани пул роҳзанҳо аз хонаи ӯ дар вилояти Маскав онҳоро ба шаҳри Апрелевка бурдааст.
Дар он ҷо ҷинояткорон ба мошине, ки дар Маскав ёфт шуд, пинҳон шудаанд. Дар ташкили ғоратгарӣ хидматгорони хонаи ҳамсари овозхони маъруф гумонбар дониста мешавад.