ДУШАНБЕ, 13 янв – Sputnik. Интиқоли нерӯи барқ аз Ӯзбекистон ба Афғонистон ба ҳолати муқаррарӣ баргашт. Дар ин бора ширкати энергетикии маҳаллии "Da Afghanistan Breshna Sherkat" (DABS) хабар додааст.
Як рӯз пеш DABS хабар дода буд, ки ҷониби Ӯзбекистон интиқоли нерӯи барқ ба Афғонистонро пас аз як мушкили фаннӣ қатъ кард.
"Хушбахтона, тақрибан соати 7-и субҳи рӯзи 13 январ воридоти нерӯи барқ аз Ӯзбекистон ба сатҳи муқаррарӣ баргашт", - омадааст дар изҳороти DABS.
Қаблан ҷонибҳо дар бораи воридоти нерӯи барқ барои соли 2022 созишнома имзо карда буданд.
Мувофиқи созишнома, Афғонистон солона ду миллиард киловатт-соат нерӯи барқ аз Ӯзбекистон мегирад. Маблағи ин қарордод тақрибан 100 миллион долларро ташкил медиҳад.
Нисфи нерӯи барқи Афғонистон аз Ӯзбекистон, Тоҷикистон ва Туркманистон ворид мешавад.
Афғонистон тақрибан системаи миллии энергетикӣ надорад ва тавлиди нерӯи барқи маҳаллӣ, ки умдатан аз нерӯи барқи обӣ тавлид мешавад, дар соли 2021 хушксолӣ ба он таъсири ҷиддӣ расонд.