ДУШАНБЕ, 11 янв — Sputnik. Тоҷикистон тадобири кофӣ барои ҳифзи марзаш бо Афғонистонро андешидааст, навиштааст РИА "Новости" бо такя ба манобеаш дар мақомоти қудратии кишвар.
"Чораҳо дар мавриди ҳайати шахсӣ, ки то ҳол амалӣ шудаанд, феълан кофиянд. Мутахассисони тайёр, низомиёни таҳсилдидаи кофӣ дорем", - гуфт мусоҳиб.
Вай афзуд, ҳифзи марзи Тоҷикистон бо Афғонистон бояд аз нуқтаи назари техникаи низомӣ таҳким ёбад, ки раисҷумҳури Беларус, Александр Лукашенко низ дар ҳамоиши сарони кишварҳои узви СААД аз он гуфта буд.
Манбаъ дар мавриди "ячейкаҳои хуфта" таъкид намудааст, ки назорати пайваста ва бартарафсозии онҳо ҳанӯз аз соли 2011 ёфтааст, ки он замон сафари шаҳрвандони кишвар ба Сурия ва Ироқ оғоз шуда буд.
"Ячейкаҳои хуфта метавонанд гуногун бошанд. Аз террористу экстремистҳо то аҳзоби мухолифин, ки ҳаракаташон дар кишвар мамнуъ шудааст. Ҳамаи онҳое, ки метавонанд оромиро халалдор кунанд, таҳти назортанд", - таъкид намудааст мусоҳиб.
Ин дар ҳолест, ки Эмомомалӣ Раҳмон, раисҷумҳури Тоҷикистон дар мулоқоти онлайнии сарони кишварҳои узви СААД аз "ячейкаҳои хуфта"-и террористҳо ҳушдор дода, инчунин таъкид намуд, вазъ дар минтақаи марзии Афғонистон майли мураккабшавӣ дорад.
Эмомалӣ Раҳмон инчунин аз он гуфт, ки Барномаи байнидавлатии таҳкими ҳифзи сарҳади Тоҷикистон бо Афғонистон қабулу татбиқ нагардидааст. Вай аз роҳбарони кишварҳои узви СААД даъват намуд, ки дар марзҳои ҷанубии созмон камарбанди амниятӣ ташкил карда шавад.