ДУШАНБЕ, 17 дек — Sputnik. Ҷо Байден, раисҷумҳури ИМА бори аввал натавонист ному насаби раиси Пентагон Ллойд Остинро талаффуз кунад, менависад РИА "Новости".
Видеои суханронии сарвари ИМА-ро корбарони "Twitter" нашр кардаанд.
Ин ҳодиса дар маросими супоридани медалҳои “Шараф” ба сарбозоне, ки дар амалиёти низомӣ дар Ироқу Афғонистон ширкат доштанд, рух додааст.
Раҳбари Кохи Сафед ҳангоми изҳори миннатдорӣ номи вазири мудофиаи ИМА-ро муддати дароз ба хотир оварда натавонист.
"Ман мехоҳам ба ҳамаи меҳмонони ҳозир дар ин ҷо изҳори сипос намоям. Ба раиси Ситоди муштараки нерӯҳои мусаллаҳ, вазир... вазир Остин", - гуфт Байден.
Шарҳнависон амали хиҷолатомези Байденро нодида гирифта натавонистанд.
"Оё дар ҳақиқат хондани он чӣ дар варақ навишта шудааст, ин қадар душвор аст?" — пурсидааст Элания.
"Вай боз ин корро боз кард!" - изҳори тааҷҷуб кардааст Чарли Спиринг.
"Тамоми мамлакат аз вай шарм мекунад", — гуфт дар хотима Уго Бездек.
Президенти ИМА мунтазам ба чунин ҳолатҳо дучор мешавад.
Ҳамин тавр ӯ Либияву Сурия, Ироқу Эрон, Барак Обама ва Доналд Трампро ба ҳам омехта карда, бори аввал номи раҳбари Русия Владимир Путинро дуруст талаффуз карда натавонист ва сарвазири Австралияро “бачае аз он тараф" номид, чунки номашро фаромӯш карда буд.