ДУШАНБЕ, 16 дек — Sputnik. Ҳамзамон бо коҳиши қимати доллар дар баробари пули афғонӣ шаҳрдории Кобул низ қимати як нонро 10 афғонӣ эълон кард, иттилоъ додааст Sputnik Афғонистон.
Шаҳрдори Кобул ахиран қайд кардааст, ки нархи як нон дар кишвар аз 15 боз ба 10 афғонӣ поин оварда шуд.
Ҳамчунин қимати як нони ҷуворимакка аз 30 ба 20 афғонӣ коҳиш ёфтааст.
Бино ба хабари шаҳрдории Кобул, ин тасмим дар ҳамоҳанги бо утоқи пешаварон ва дукондорон гирифта шудааст.
Қаблан як нон дар бозорҳо аз 15 то 20 афғонӣ арзиш дошт.
Нархи маводи ғизоӣ дар Афғонистон дар ҳоле боло рафтааст, ки қурби афғонӣ дар баробари доллар ба таври назаррас поин рафтааст.