ДУШАНБЕ, 14 дек — Sputnik. Мақомоти маҳаллии толибон дар вилояти Форёб ба сокинони ин вилоят дастур додаанд, ки аз пӯшидани либоси низомӣ худдорӣ намоянд, иттилоъ додааст “Sputnik” Афғонистон дар истинод ба расонаҳои хабарӣ.
Дар фармоне, ки ахиран аз ҷониби толибон содир шуд, гуфта шудааст, ки ба манзури таъмини амният ва ҳифзи ҷони шаҳрвандон аз шаҳрвандон тақозо мешавад, ки дар оянда аз пӯшидани либоси низомӣ ва мошинҳои дорои шишаҳои сиёҳ худдорӣ намоянд.
Ҳукумати маҳаллии толибон дар Форёб таъкид доштааст, ки ба ҷуз сарбозони онҳо касе аз либоси низомӣ истифода накунад.
Толибон ҳушдор додаанд, ки вайронкунандагони қонун ба ҷавобгарӣ кашида хоҳанд шуд.
Бояд қайд кард, дар рӯзҳои ахир иддаоҳое мабнӣ бар ин ки шуморе аз афрод бо сӯистифода аз ном ва нишони толибон, даст ба сирқат мезананд, матраҳ шуда буд, ки ин маворид аз сӯйи толибон низ таъйид шуд. Ин гурӯҳ гуфта буд, ки ҷилави чунин корҳоро мегирад.