ДУШАНБЕ, 27 ноя — Sputnik. Додситонии кулли Тоҷикистон бо моддаи 247-и Кодекси ҷиноӣ нисбати қаллобон парвандаи ҷиноятӣ боз кардааст, хабар медиҳад Вазорати умури дохилӣ.
Дар як қаллобии мавриди аввал як зан низ муттаҳам мешавад.
Бино ба гузориши манбаъ, зани 38-сола сокини ноҳияи Ашт моҳи апрели соли 2013 бо роҳи фиреб ба боварии марди 66-солаи сокини ноҳияи зикгардида даромада, аз ӯ 300 ҳазор рубли русиро гирифта, то ҳол барнагардондааст.
Нисбати ин зан бо қисми 4, моддаи 247-и Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуд.
Ҳолати дигари қаллобӣ дар шаҳри Душанбе сабт шудааст.
Ҳолати дигари қаллобӣ дар шаҳри Душанбе сабт шудааст.
Ба ШВКД дар ноҳияи И. Сомонӣ бо ариза зани 29-солаи сокини Душанбе муроҷиат намудааст.
Ӯ шикоят кардааст, ки моҳи феврали соли 2021 марду зани 30-солае аз пойтахт ба бовариаш даромада, аз ӯ 1 миллиону 144 ҳазору 818 сомонӣ гирифта, то ҳол маблағашро барнагардондаанд.
Ҳамзамон номбурдагон бо ҳамин роҳ моҳи феврали соли 2021 ба боварии зани 52-солаи сокини шаҳри Душанбе даромада, аз ӯ 165 ҳазору 700-доллари амрикоӣ ва 9 ҳазор сомонӣ гирифта, то ҳол маблағашро барнагардондаанд.
Манбаъ афзуда, ки нисбати шахсони дар боло зикргардида аз тарафи Додситонии кулли Тоҷикистон парвандаи ҷиноятӣ боз шуда, таҳқиқи ин ҳаводис идома дорад.