ДУШАНБЕ, 24 ноя - Sputnik. ИМА ҳукумати толибонро эътироф намекунад, ҳатто агар Русия ва Чин эътироф кунанд
Дар ин бора Том Уест, фиристодаи вижаи Амрико дар умури Афғонистон дар суҳбат бо "Садои Амрико" иттилоъ дод.
Ба гуфти ӯ, ақида дар бораи он ки Иёлоти Муттаҳида дороиҳои Афғонистонро бо хоҳиши худ яхбандӣ кардааст, нодуруст аст.
"Интиқоли онҳо ба толибон баъзе мушкилоти ҳуқуқӣ дорад", - гуфт ӯ.
Ғасби Афғонистон аз ҷониби толибон
Дар нимаи моҳи август толибон ба пойтахти Кобул ворид шуда, қасри президентро ишғол карданд. Бо ҳамин ҳокимият ба дасти ин гурӯҳ гузашт.
Шаби 31-уми август низомиёни амрикоӣ ниҳоят фурудгоҳи Кобулро тарк карда, ба ҳузури тақрибан 20-солаи Амрико дар Афғонистон хотима доданд.
Ҷангҷӯён ҳайати ҳукумати муваққати Афғонистонро эълон карданд. Сарварии онро Муҳаммад Ҳасан Охунд, ки дар давраи аввали ҳукмронии ин гурӯҳ вазири хориҷа буд ва таҳти таҳримоти СММ қарор дорад, ба уҳда дорад.