ДУШАНБЕ, 19 ноя — Sputnik. Соли ҷорӣ дар Тоҷикистон ба маблағи беш аз 2,7 миллиард доллар маҳсулоти саноатӣ тавлид шудааст, хабар медиҳад хабаргузории “Авеста” бо истинод ба Вазорати саноат ва технологияҳои нави кишвар.
Ҳамин тариқ, аз рӯи натиҷаҳои даҳ моҳи соли 2021, истеҳсоли маҳсулоти саноатӣ дар Тоҷикистон беш аз 30,9 миллиард сомониро (беш аз 2,7 миллиард доллар) ташкил додааст.
Афзоиши истеҳсолот нисбат ба ҳамин давраи соли гузашта 22,9 фоизро гуфта мешавад, ки нисбат ба соли гузашта 6,7 миллиард сомонӣ (беш аз 593 миллион доллар) зиёд аст.
Афзоиши истеҳсолот аз ҳама бештар дар соҳаҳои саноати истихроҷи маъдан ва таъмини барқ ба қайд гирифта шудааст.
Ёдовар мешавем, қаблан ба Қонун “Дар бораи сиёсати давлатӣ дар соҳаи саноат” тағйирот ворид шуда буд, ки ба паркҳои саноатии кишвар дахл хоҳад дошт. Дар он ба тараққиёти ин саноат таваҷҷуҳи хос зоҳир шудааст.
Тағйирот ба тадбирҳои пешниҳоди қарзҳои имтиёзнок тавассути бонкҳо ва дастгирии субъектҳои соҳибкорӣ дар бахши саноат ва фаъолияти иқтисодии хориҷӣ таъсир мерасонад.