ДУШАНБЕ, 14 ноя — Sputnik. Дар ҷаласаи 11 ноябри 2021 Комиссияи авлавияти ЮНЕСКО 1050-солагии Абурайҳони Берунӣ ба таври муштарак байни Эрон бо Ӯзбекистон ва Тоҷикистон дар Феҳристи ҷаҳонии накӯдоштҳои ЮНЕСКО барои бозаи замонии 2022-2023 ворид кард иттилоъ додааст хабаргузории “Парс тудэй”.
Гуфта мешавад, пас аз сабти ҷаҳонии парвандаҳои “800-умин соли ҳаёту фаъолияти Шамси Табрезӣ бар мабнои дидори ирфонии Шамс ва Мавлоно” ва “ҳазору панҷоҳумин соли милоди Шайх Харақонӣ” теъдоди накӯдоштҳои сабтшуда аз машоҳири эронӣ дар феҳристи ЮНЕСКО ба 42 маврид расид.
Абурайҳони Берунӣ бо осоре ҳамчун “Ат-тафҳим” дар риёзиёт ва нуҷум, “Осор-ул-боқия” дар таъриху ҷуғрофиё ва “Таҳқиқ-ул-мол-ул-Ҳинд” дар ҳавзаи мардумшиносӣ бар таърихи пурифтихори дониши башарӣ медурахшад.
Таъкид шудааст, ки асари арзишманди “Осор-ул-боқия”-и ӯ, ки тавасссути ҳокими хирадманду донишдӯст Қобус бин Вашмгир (дар соли 390 то 391 ҳиҷрӣ) ҷамъоварӣ шуд, намунаи боризе аз илмдӯстии эрониён аст.