ДУШАНБЕ, 13 ноя — Sputnik. Дар Тоҷикистон боз як нафари дигар гирифтори коронавирус шуд, хабар дод Вазорати тандурустӣ.
Ба иттилои манбаъ, шабонарӯзи гузашта як ҳолати нави гирифторӣ ба коронавирус миёни шаҳрвандон сабт гашт.
Ҳамзамон 3 нафари дигар аз бемории мазкур шифо ёфтаанд.
Рӯзи 11- уми ноябр низ вазорат аз гирифтор шудани ду нафар хабар дода буд.
Ба ҳамин минвол аз замони пайдоиши ин маризӣ дар Тоҷикистон, ба иттилои расмӣ, 17 091 нафар гирифтори он гардиданд, ки аз ин миён 16 965 нафар шифо ёфтанд.
Ҳамчунин табибон ҷони 124 бемори COVID - 19-ро наҷот дода натавонистанд.
Ёдовар мешавем, ки хуруҷи коронавирус дар Тоҷикистон 30 апрели соли 2020 расман таъйид шуд.
Феълан ваксинзанӣ дар Тоҷикистон идома дорад ва шаҳрвандони аз 18-сола боло дар сартосари кишвар ба таври ройгон, бо ваксинаҳои "CoronaVac", "AstraZeneca", "Moderna", "Pfizer" ва "Спутник V" моякӯбӣ мешаванд.