ДУШАНБЕ, 10 ноя – Sputnik. Ҳукуматдорони собиқи Афғонистон дар артишашон "арвоҳ" ба вуҷуд овардаанд. Дар ин бора Холид Поянда, вазири молияи собиқи Афғонистон дар суҳбат бо BBC гуфт.
Ба гуфти ӯ, бо кумаки артиши "хаёлӣ" мансабдорони фасодкор пулшӯӣ мекарданд. Генералҳо ба руйхатҳо номи одамони вуҷуднадоштаро сабт мекарданд ва баъд маошашонро худашон аз худ карданд.
Поянда таъкид кард, аксари артиши Афғонистон, ки гуфта мешуд, аз 300 ҳазор сарбоз иборат аст, сохтакорӣ будааст.
Вазири собиқ ҳамчунин маълумот дар бораи бартарии нерӯҳои ҳукуматӣ аз теъдоди толибонро рад кард. Сарбозони аслӣ ҳеҷ гоҳ маоши худро сари вақт намегирифтанд.
Генералҳо низ аз толибон пул гирифта, ваъда доданд, ки бидуни ҷанг ба радикалҳо таслим мешаванд.
Ба туфайли чунин фиребкориҳо режими қаблии Афғонистон аз байн рафт, гуфт Поянда.
Дар ҳамин ҳол ӯ қайд кард, ки президенти собиқи ҷумҳурӣ Ашраф Ғаниро фасодкор намедонад.
Талафоти харобиовари Афғонистон ба ҳузури нирӯҳои Амрико ва НАТО дар ин кишвар рабт дорад, афзуд Поянда.