Тибқ иттилои манбаъ, ҳавопаймо пас аз хабар додани он ки ба даври дуюм меравад, аз радар нопадид шуд.
Наҷотдиҳандагон сари вақт ба ҷои гум шудани ҳавопаймо рафтанд, аммо мутаассифона, пораҳои онро пайдо карданд. Дар пайи суқути ҳавопаймо касе аз сарнишинони он зинда намондааст. Ҳайати экипаж 7 нафар буд: ду шаҳрванди Русия, ду нафар аз Украина ва се нафар аз Беларус.
Ҳамаи ҷасадҳо аллакай пайдо шудаанд. Аммо дар болои ҳавопаймои Ан-12 ба ғайр аз 7 узви экипаж боз ду нафари дигар ҳам буд. Айни замон ин маълумот тафтиш карда мешавад.
Яке аз "қуттиҳои сиёҳ"-и ҳавопаймо пайдо шуд. Ин барои муайян кардани сабаби садама кӯмак мекунад.
Парвандаи суқути ҳавопаймои Ан-12-ро кумитаҳои тафтишотии ду давлат, Русия ва Беларус баррасӣ мекунанд. Самолёти Ан-12-и Белорусия аз соли 1968 парвоз мекардааст.
Соли 2014 ин ҳавопаймо ҳудуди як сол дар ихтиёри ширкати "Asia Airways"-и Тоҷикистон қарор доштааст.