Сафҳаи "YouTube"-и "Gorilla MMA" порчаҳои беҳтарин лаҳзаҳои задухӯрдҳои мусобиқаеро, ки дар рӯзҳои истироҳатии гузашта доир шуд, нашр кард.
Яке аз ҷолибтарин набардҳо дидори варзишгари Тоҷикистон Фаррух Холиқов бо Юлиан Кочани рус буд.
Бо вуҷуди ин дӯстдорони варзиш натавонистанд аз ин мубориза лаззати бештар баранд, зеро он дар даври аввал ба охир расид.
Зодаи Тоҷикистон бо як маҳорати хос ба рақибаш фишор овард, ки варзишкори рус ба кунҷи майдон рафт.
Дар идома Фаррух Холиқов бо зарбаҳои шадиди пай дар пай ба сару рӯйи Юлиан Кочани ӯро аз пой даровард.