ДУШАНБЕ, 18 окт — Sputnik. Тоҷикистонро, ки дар мусобиқаи байналмилалии ҷудо "Paris Grand Slam-2021" ягона варзишгари тоҷик Сомон Маҳмадбеков намояндагӣ мекард, мақоми панҷумро аз худ кард.
Сомон дар вазни 73 кило миёни намояндагони 45 кишвари дунё маҳорати худро нишон дод. Ҷамъан дар ин мусобиқаи байналмилалӣ 281 варзишгар иштирок намуданд.
Маврид ба зикр аст, ки Сомонпаҳлавон дар се давр бар варзишгарони Муғулистон (Уранбайар Одгерел), Испания (Ҷорҷе Гарсиа) ва Озарбойҷон (Ҳидоят Ҳайдаров) дастболо шуда, ба нимафинал роҳ ёфт.
Дар даври ниманиҳоӣ Сомон аз рақиби фаронсавии худ шикат хӯрд ва ҷудокори руминиягӣ низ варзишгари тоҷикро аз мақоми сеюм бенасиб кард.
Ҳамин тариқ Сомон Маҳмадбеков дар мусобиқаи байналмилалии "Paris Grand Slam 2021" ҷойи 5-умро гирифт.
Ғолибон ва ҷоизадорон дар баробари медал бо туҳфаҳои молӣ қадрдонӣ шуданд.
Ёдовар мешавем, ки Сомон Маҳмадбеков иштирокчии Бозиҳои олимпии Токио-2020 аз мусобиқаҳои "Гранд Слам "як медал дорад. Ӯ соли 2019 дар "Гранд Слам"-и Осака (Ҷопон) медали биринҷӣ ба даст оварда буд.