ДУШАНБЕ, 18 окт — Sputnik. Машқҳои низомии Созмони Аҳдномаи Амнияти Дастаҷамъӣ (СААД) "Ҳамкорӣ", "Ҷустуҷӯ" ва "Эшелон" дар марзи Тоҷикистон бо Афғонистон оғоз шуданд. Дар ин бора аз маркази матбуоти машқҳо хабар доданд.
Дар омӯзиш чаҳор ҳазор низомӣ ва беш аз 500 адад таҷҳизот ҷалб шудаанд. Дар байни онҳо мошинҳои зиреҳпӯши "Паланг", ҳавопаймои ҳамлагари Су-25 ва дигар моделҳои муосир қарор доранд.
Дар полигонҳои Момирак ва Ҳарбмайдон, сарбозон дар сурати ҳамлаи террористӣ ва маҳаллисозии ҷангҳоро меомӯзанд. Низомиён таҷрибаи дар давоми муноқишаҳо дар Сурия ва Қарабоғи Кӯҳӣ андӯхтаашонро истифода хоҳанд кард.
Ба гуфтаи сардори ситоди муштараки СААД Анатолий Сидоров, нақшаи машқҳо бадтарин сенарияи рушди рӯйдодҳо дар марзи Тоҷикистону Афғонистонро дар назар дорад.
Машқҳои низомӣ аз 18 то 23 октябр идома меёбад ва дар кори он низомиёни Русия, Тоҷикистон, Қазоқистон, Белорус ва дигар кишварҳои узви СААД иштирок хоҳанд кард.
Бояд гуфт, ки ин аввалин машқҳои низомӣ дар Тоҷикистон дар пасманзари вазъи ноороми афғонистон набуда, моҳи август дар размоишгоҳи Ҳарбмайдон низомиёни Русия, Тоҷикистон ва Ӯзбекистон машқҳои низомӣ доир карданд.