ДУШАНБЕ, 4 окт — Sputnik. Масъуди Андаробӣ, вазири умури дохилии собиқи Афғонистон дар баргаи рухномааш дар вокуниш бар гузориши Ашраф Ғанӣ, раисҷумҳури пешини ин кишвар навишт: "Гузориши оқои Санҷар Суҳайл аз фирори Ғаниро хондам. Як мавзуъ, ки дар ин ёддошт шояд умдатан баҳс нашуда ва ё манбаъ мумкин ба он дастрасӣ надоштааст, тамосҳои мудовими Ҳамдуллоҳ Муҳиб бо Халил Ҳаққонӣ аст".
Дар ин бора хабаргузории Sputnik Афғонистон хабар додааст.
Вай афзуд, дар ҳамон рӯзе, ки оқои Салом Раҳимӣ ва Матин Бек бо Қатар дар тамос буданд ва ба мувофиқа расиданд, ки “Толибон”* вориди Кобул нахоҳанд шуд, Раҳимӣ аз “Толибон”* дархост кард, ки баёнот пахш кунанд ва “Толибон”* дарҳол изҳорот аз Қатар интишор карданд. Ӯ гуфт: "Ҳамдуллоҳ Муҳиб, мушовири амнияти миллӣ бо Халил Ҳаққонӣ чанд маротиба тамос гирифт ва ҳатто як бор барои мулоқот бо Халил Ҳаққонӣ. Дидору мулоқот дар яке аз минтақаҳо дар наздикии Кобул ба нақша гирифта шуда буд, аммо баъдтар Ҳамдаллоҳ Муҳиб тарҷеҳ додааст, ки аз тариқи телефон ба ҳамоҳангҳо идома диҳанд".
Дар поён вазири пешини умури дохилаи Афғонистон навиштааст, ки мутмаин ҳастем, ки ин бахш аз он фирор ва чигунагии таслими нангини низом ба гурӯҳи Ҳаққонӣ бо ҳамдасти ва васотати Муҳиб ва Покистон баъдтар низ ифшо мешавад.
Бояд гуфт, дирӯз рӯзномаи "Ҳашти субҳ" дар бораи фирори президенти Афғонистон Ашраф Ғанӣ бо чаҳор чархбол ба Ӯзбекистон навишта буд.