ДУШАНБЕ, 24 сен – Sputnik. Рустами Эмомалӣ, ки бо сафари корӣ дар Қазоқистон қарор дорад, бо Қосим Ҷомарт Тоқаев, густариши ҳамкориҳоро баррасӣ кардааст, хабар дод дафтари матбуотии раисҷумҳури Қазоқистон.
Манбаъ афзуд, Тоқаев бо таъкиди рушди муносиботи Тоҷикистону Қирғизистон, изҳор доштааст, ки бо вуҷуди чолишҳои муосир муносиботи ду кишвар устувор боқӣ мондаанд.
"Барои ин муколамаи фаъоли сиёсӣ дар сатҳи роҳбарони давлатҳо ва ҳамоҳангӣ дар кори ҳукуматҳо мусоидат мекунад", - омадааст дар иттилоияи дафтари матбуотии раисҷумҳури Қазоқистон.
Таъкид шудааст, ки тавофуқоти ҳосилшудаи роҳбарони давлатҳо дар зимни сафари Тоқаев ба Тоҷикистон бояд аз ҷониби масъулини ду тараф амалӣ гарданду натиҷаҳои амалии созишҳо маълум бошад. Тоқаев изҳор доштааст, ки феълан ҳукуматҳои ду кишвар фаъолона сари дастуроти роҳбарони ду давлат кор карда истодаанд.
Ба иттилои дафтари матбуотии раёсатҷумҳурии Қазоқистон, Тоқаев ба ҳамтои тоҷикаш Эмомалӣ Раҳмон таманниёти некашро фиристода, барои ташкили мунобиси ҳамоиши ахири сарони кишварҳои узви СҲШ ва СААД изҳори миннатдорӣ намудаст.
Қазоқистон аз ҷумлаи калонтарин шарикони тиҷории давлати Душанбе буда, аз таъминкунандагони асосии орду гандум ва гази моеи Тоҷикистон ба шумор меравад.