ДУШАНБЕ, 21 сен — Sputnik. Дар Қирғизистон навъи нави нигерии коронавирус - "Еta" роҳ ёфтааст, хабар медиҳад Sputnik Қазоқистон бо истинод ба вазири тандурустӣ Алексей Сой.
Ба иттилои манбаъ, феълан ин навъ коронавирус дар минтақаҳое чун Қараганда, Мангистоу, Повладор ва шаҳри Нурсултон сабт шудааст.
Вируси навъи "Еta" моҳи декабри соли гузашта пайдо ва бори нахуст он дар Нигерия ва Британия Кабир кашф шуд.
Бинобар маълумоти Созмони Ҷаҳонии Беҳдошт, то 15 сентябри соли равон навъи бемории мазкур дар 77 кишвари ҷаҳон паҳн шуд ва намояндагони ин созмон мегӯянд, онро бояд назорат кард.
Нишонаҳои ин навъи коронавирус ҳам ба мисли навъҳои "Аlpha" ва "Вeta" ҳарорати баланди бадан, сулфа, эҳсос накардани бӯй ва мазза аст.