ДУШАНБЕ, 19 сен — Sputnik. Содир Ҷабборов президенти Қирғизистон дигарбора аз шаҳрвандони ин ҷумҳурӣ даъват намуд, ки ваксин гиранд ва худро аз бемории коронавирус эъмин кунанд.
Кишвардори Қирғизистон дар сафҳаи Instagram- и худ вазъи коронавирусро шарҳ дода, чунин муроҷиат кард.
"Шабонарӯзи гузашта 69 мавриди нави сироятёбӣ ба коронавирус сабт гардид. Ҳамаи нафароне, ки тоза мубталои ин дард гардиданд, ваксин нагирифта буданд.Аз ин рӯ, ман бори дигар аз ҳамаи шаҳрвандон даъват мекунам, ки зидди коронавирус ваксин гиранд", - навиштааст Ҷабборов.
Маврид ба зикр аст, ки маъракаи сартосарии ваксинзанӣ дар Қирғизистон рӯзи 11июл оғоз ёфт ва шаҳрвандонро бо доруи чинии Sinopharm ваксин заданд.
Мақомот гуфтанд, ки барои ташаккули масунияти оммавӣ, ҳадди аққал 70 дарсади аҳолӣ, яъне 2,4 миллион қирғизистонӣ бояд ваксинзанӣ шаванд.
Тибқи маълумоти охирин, 764 437 қирғизистонӣ бо вояи аввал ва 565 822 бо вояи дуюм ваксин гирифтанд.