ДУШАНБЕ, 16 сен — Sputnik. Президенти Русия Владимир Путин зимни ширкати онлайнӣ дар нишасти СААД дар Душанбе дар робита ба хуруҷи нерӯҳои эътилофи ғарбӣ аз Афғонистон изҳори назар кард.
Президенти Федератсияи Русия хуруҷи нирӯҳои амрикоиро аз Афғонистон "шитобзада" хонда, аз таҳдидҳое, ки бинобар ин иқдом дар минтақа ба вуҷуд омадаанд, тазаккур дод.
Ба гуфтаи Путин, вазъ дар Афғонистон барои кишварҳои узви СААД хатари ҷиддӣ дорад ва аз ин рӯ ин созмон бояд барои ҳифзи субот дар қаламрави худ омода бошад.
Ба гуфтаи ӯ, СААД бояд омода бошад, ки аз нерӯи дифоӣ ва сиёсии худро барои нигоҳ доштани субот дар қаламраваш истифода кунад.
"Вазъият дар минтақаи СААД ва берун аз марзи кишварҳои узв на танҳо ноором аст, балки барои амнияти кишварҳои мо воқеан мушкилот ва хатарҳои зиёдеро ба бор меорад", - гуфт президенти Русия.