ДУШАНБЕ, 15 сен — Sputnik. Вазири мудофиаи Федератсияи Русия, генерали артиш Сергей Шойгу ба Тоҷикистон омад. Дар ин бора мақомоти низомии Русия хабар доданд.
Ҳавопаймои ҳомили вазири рус чанде пеш ба фурудгоҳи Душанбе нишаст.
Шойгу тасмим дорад, дар нишасти вазирони корҳои хориҷӣ, вазирони дифоъ ва дабирони шӯроҳои амнияти Созмони Аҳдномаи Амнияти Дастаҷамъӣ (СААД) ширкат кунад.
"Иштирокчиёни вохӯрӣ масъалаҳои амнияти минтақаӣ ва ҳамкориҳои байналмилалиро баррасӣ хоҳанд кард",-гуфтанд дар Вазорати дифои Русия.
Илова бар ин вазъи ноустувори Афғонистон низ аз мавзуъҳои асосӣ хоҳад буд. Пас аз анҷоми вохӯриҳо сардорони шуъбаҳо изҳороти муштарак хоҳанд дод.
Ёдовар мешавем, ки нишасти вузарои корҳои хориҷӣ, вазирони дифои кишварҳои узви СААД ва котибони амният рӯзи 15 сентябр дар Душанбе баргузор мешавад.
Маврид ба зикр аст, ки Вазири умури хориҷии Русия Сергей Лавров ва котиби Шӯрои амният Николай Патрушев низ вориди Душанбе шуданд.