ДУШАНБЕ, 13 сен — Sputnik. Вазорати тандурустии Тоҷикистон аз наздик расидан ба поёни пандемия дар кишвар хабар медиҳад.
Тибқи иттилои ин ниҳод, дар 24 соати гузашта дар кишвар танҳо ташхиси коронавируси 9 нафар мусбат будааст.
Ҳамин тариқ, аз оғози паҳншавии пандемия дар Тоҷикистон то имрӯз 17 084 нафар ба вируси корона гирифтор шудааст.
Давоми шабонарӯзи ахир 11 нафари дигар аз ин беморӣ шифо ёфта, шумораи умумии он нафароне, ки аз ин беморӣ ҷон ба саломат бурдаанд, ба 16,946 расид.
Аз нимаи моҳи август дар кишвар ягон ҳолати марг ба қайд гирифта нашудааст, аммо дар маҷмӯъ 124 нафар аз ин беморӣ фавтидаанд.
Мавҷи нави коронавирус дар Тоҷикистон авохири моҳи август рӯ ба коҳиш овард.
Ба гуфтаи вазири тандурустии Тоҷикистон Ҷамолиддин Абдуллозода, кишвар мавҷи дуввуми COVID-19-ро паси сар карда истодааст.
Хотиррасон мекунем, ки Вазорати тандурустӣ мунтазам аз ҳамаи сокинони ҷумҳурӣ даъват мекунад, ки қоидаҳои пешгирии коронавирусро риоя кунанд: дар ҷойҳои ҷамъиятӣ ниқоб пӯшанд.