ДУШАНБЕ, 7 сен - Sputnik. Дар сарҳади Тоҷикистону Афғонистон бо сабаби ба сари қудрат омадани Толибон* вазъи номусоид ба вуҷуд меояд.
Дар ин бора раҳбари ситоди муштараки СААД генерал-полковник Анатолий Сидоров зимни ифтитоҳи машқҳои дастаҷамъии нерӯҳои мустақими СААД дар Қирғизистон хабар дод.
"Вазъи низомӣ-сиёсӣ дар минтақаи масъулияти СААД печида боқӣ мемонад", - гуфт ӯ.
Ба гуфти Сидоров, вазъи номусоид дар минтақаи Осиёи Марказӣ боқӣ мемонад ва он дар пасманзари ишғоли қудрат аз ҷониби Толибон* дар Афғонистон, ки бо Тоҷикистон ҳаммарз аст, рушд мекунад.
Вай таъкид кард, ки дар минтақа сатҳи баланди терроризми байналмилалӣ ва ифротгароии мазҳабӣ нигоҳ дошта мешавад.
Ёдовар мешавем, ки як моҳ пеш ҷунбиши Толибон*, вориди Кобул шуданд. Пас аз он Толибон* эълон карданд, ки ҷанг ба охир расидааст ва шакли ҳукумат дар ояндаи наздик эълон хоҳад шуд.
7 сентябри 2021, 11:30
Ҳоло Толибон* талош доранд, вилояти Панҷшери Афғонистонро, ки таҳти назорати онҳо нест, забт кунанд.
* - ташкилоти террористӣ, ки фаъолияташ дар Русия, Тоҷикистон ва дигар кишварҳо мамнӯъ аст.