ДУШАНБЕ, 26 авг — Sputnik. Тоҷикистон интиқоли нерӯи барқ ба кишварҳои ҳамсояро афзоиш додааст, хабар медиҳад "Авеста" бо такя ба манобеъи бахши энержии кишвар.
Мувофиқи маълумоти шӯъбаҳои дахлдор, Тоҷикистон дар 7 моҳи соли 2021 барои тиҷорати барқ беш аз 55 миллион доллар дарёфт кардааст.
Ҳаҷми содироти нерӯи барқ дар муқоиса бо ҳамин давраи соли 2020 25%афзоиш ёфтааст.
Рӯйхати дақиқи харидорони нерӯи барқ аз Тоҷикистон ифшо нашудааст, аммо маълум аст, ки харид аз ҷониби Ӯзбекистон ва Афғонистон сурат гирифтааст.
Танҳо дар 7 моҳи соли 2021 Тоҷикистон беш аз 12 миллиард кВт / соат нерӯи барқ тавлид кард, ки нисбат ба соли гузашта 0,8% афзоиш ёфтааст.
Ёдовар мешавем, ки тайи шаш моҳ тавлиди нерӯи барқ каме коҳиш ёфтааст. Ҳамчунин дар нишасти хабарии ҳисоботии раёсат маълум шуд, ки онҳо имсол нақшаи баланд бардоштани тарифҳои нерӯи барқро доранд.
Ин масъаларо комиссияи кории назди Хадамоти зиддиинҳисории Тоҷикистон баррасӣ мекунад.