ДУШАНБЕ, 17 авг - Sputnik. Дар созмони байналмилалии тиббии изтирории Emergency дар Кобул, ҳама шӯъбаҳои эҳё дар як рӯз пур шуданд.
Дар ин бора намояндагони беморхона дар шабакаҳои иҷтимоӣ хабар доданд.
Онҳо қайд карданд, ки дар давоми 24 соати охир 63 нафар ҷабрдидагон дар шӯъбаҳои эҳёгарӣ бистарӣ шудаанд. Дар ҳоли ҳозир, созмон танҳо беморонро қабул мекунад, ки дар ҳолати вазнин қарор доранд.
Қариб ба 50 сокини Кобул ёрии аввалини тиббӣ расонида шуда, сипас ба дигар беморхонаҳои шаҳр фиристода шуданд.
Ба гуфти корманди Ёрии таъҷилӣ, дар вақти қабул аллакай 9 нафар ҷон аз даст дода буданд. Чор нафари ин беморон аз фурудгоҳи Кобул оварда шудаанд, ки як рӯз пеш тирпарронӣ ва бесарусомонӣ буд.
Қаблан ҷангҷӯёни ҳаракати Толибон*, аз бастани бандари ҳавоӣ хабар доданд. Бино ба гузоришҳои расонаҳо, фурудгоҳ танҳо рӯзи 21 август ба рӯи шаҳрвандон боз мешавад.
Ҳоло дар ҳудуди бандари ҳавоӣ бетартибӣ идома дорад. Ҳазорон нафар дар назди дарвозаи фурудгоҳ ҷамъ омада, талош доранд Афғонистонро тарк кунанд.
Баъзеи онҳо аз болои девори бетонӣ парида вориди фурудгоҳ мешаванд. Маълум аст, ки Толибон* низ мисли низомиёни амрикоӣ оташи огоҳкунанда кушоданд.
* - созмони мамнӯъ дар Тоҷикистон ва Русия ва дигар кишварҳо