ДУШАНБЕ, 17 авг - Sputnik. Намояндагони Тоҷикистону Ӯзбекистон масъалаи анҷоми амломатгузорӣ дар марзи ду кишварро баррасӣ мекунанд.
Вохӯрии гурӯҳҳои кории ду давлат аз 24 то 29 авгутс дар Душанбе баргузор мешавад.
Дар доираи ин дидор, ҷонибҳо аломатгузории ниҳоии марз ва насб кардани сутунҳоро баҳс мекунанд.
Мақомот ба намояндагони вазоратҳои корҳои хориҷӣ, картографҳо, тадқиқотчиён ва дигар мутахассисон супориш доданд, ки корро дар минтақаҳои наздисарҳадӣ то охири соли 2021 ба анҷом расонанд.
Ёдовар мешавем, ки Тоҷикистону Ӯзбекистон дар бораи делимитатсияи марз, ҳанӯз соли 2019 ба мувофиқа расида буданд ва як сол пеш созишномаи байни кишварҳо дар бораи қитъаҳои муайяни марзии ду кишвар имзо шуда буд.
Ҷаласаи қаблии гурӯҳҳои корӣ охири моҳи май дар шаҳри Хуҷанд баргузор шуд. Он вохӯрӣ қариб як ҳафта давом кард.
Дарозии марзи Тоҷикистону Ӯзбекистон 1332 километр аст. Пас аз пошхӯрии Иттиҳоди Шӯравӣ тақрибан 20% сарҳади давлатӣ тақсимнашуда боқӣ монд.