ДУШАНБЕ, 13 авг — Sputnik. Созмони милали муттаҳид аз ҳамсояҳои Афғонистон даъват кардаст, ки бо шиддат ёфтани танишҳо дар Афғонистон марзҳояшонро боз нигоҳ доранд ва аз норасоии ғизо ва зарурати паноҳандагии бисёр афғонҳо дар сатҳи байналмилалӣ ҳушдор медиҳанд.
Шабия Менто, сухангӯи Оҷонси паноҳандагони СММ, дар нишасти хабарӣ дар Женеваи Швейтсария, аз кишварҳои атрофи Афғонистони ҷангзада даъват кард, ки марзҳояшонро кушода нигоҳ доранд.
"Натавонӣ дар ҷустуҷӯи амният метавонад ҳаёти одамони бешуморро зери хатар гузорад", - гуфт сухангӯи Оҷонси паноҳандагони СММ.
Комиссариати олии СММ дар умури паноҳандагон омода аст дар сурати зарурат ба мақомоти миллӣ афзоиши кумакҳои баашардӯстонаро афзоиш диҳад.
Вай дар идома ба нигаронии Барномаи ҷаҳонии ғизо ишора кард, ки камбуди ғизо дар Афғонистон ба ҳадде шадид ва бадтар мешавад, ки вазъ нишонаи бӯҳрони башарӣ аст.
Дар ҳоле ки Фаронса, Олмон ва Ҳолланд аз ҷумлаи кишварҳое ҳастанд, ки ба далели авзоъ дар Афғонистон ихроҷи паноҳандагони афғонро мутаваққиф кардаанд, Австрия, Белгия, Дания ва Юнон аз Иттиҳодияи Аврупо даъват кардаанд, ки ба ин роҳ надиҳанд ва бозгашти гурезаҳои афғонро қатъ кунанд.
Онҳо иддаъо мекунанд, ки ин сигнали нодуруст мефиристад ва эҳтимол дорад, ки бештари афғонҳоро маҷбур созад, ки хонаҳояшонро бо мақсади Иттиҳоди Аврупо тарк кунанд.
Ёдовар мешавем, ки Толибон (гуруҳи террористии фаъолияташ дар Тоҷикистону Русия мамнӯъ) аз моҳи апрел ҳамлаҳои худро барои шикаст додани ҳукумати Кобул афзоиш доданд, зеро нерӯҳои хориҷӣ пас аз 20 сол хуруҷи худро аз Афғонистон анҷом медиҳанд.
Бино ба бархе манобеъ, ин гурӯҳ дар ҳоли ҳозир аз се ду ҳиссаи Афғонистонро таҳти назорат дорад.