ДУШАНБЕ, 11 авг - Sputnik. Дар Нигерия 24 узви як хонавода аз ғизои заҳролуд фавтиданд, хабар медиҳад "Известия". Ба иттилои манбаъ ин хонавода аз 26 нафар иборат буд ва бо фавти 24 нафар аз ин оила ҳамагӣ 2 нафар зинда монданду халос.
Манбаъ аз қавли Сокото Алӣ Иннаме намояндаи Вазорати беҳдошт менависад, ки ин хонавода ҳангоми омода кардани хӯрок ба ҷои намакӣ ошӣ, нуриҳои кимиёиро истифода намудаст, ки дар натиҷа ин иштибоҳ ба марги 24 нафар оварда расонд.
"Мутаассифона, тамоми оилае, ки ин ғизоро хӯрдаанд, ба ҳалокат расидаанд, ба истиснои ду зане, ки танҳо озуқавориро санҷидаанд. Онҳо табобат мегиранд ва имкони зинда мондани онҳо ҷой дорад", - изҳор дошт Алӣ.
Дар ҳамин ҳол, намояндаи вазорат ба кулли шаҳрвандони Нигерия муроҷиат карда, даъват намудааст, ки ин ҳодисаи нагин барои ҳамагон бояд дарси ибрат шавад ва минбаъд мардум аз эҳтиёт кор гиранд.