ДУШАНБЕ, 10 авг — Sputnik. Дар шаҳри Норак 8 156 нафар алайҳи бемории коронавирус ваксин гирифтанд, ки ин 21 дарсади аҳолиро ташкил медиҳад, хабар медиҳад Вазорати тандурустӣ.
Ба иттилои манбаъ, кормандони НБО "Норак" барои саривақт пешгирӣ намудан аз ин беморӣ ба пуррагӣ ваксин гирифтанд. Манбаъ меафзояд, ки кормандони ин нерӯгоҳ бо ваксини сохти Амрико, "Moderna" таъмн карда шуданд. Илова бар ин кормандони нерӯгоҳи "Бойғозӣ" ҳам бо ин ваксин эм карда шуданд.
Манбаъ аз қавли ҳамшираи тиббии НБО "Норак" Моҳбону Раҳмонова менависад, ки дар ин ду нерӯгоҳ аз аввали пайдоиши вирус беаҳамиятӣ миёни кормандон зоҳир нашуд ва ҳамагон чораҳои беҳдоштиро қатъиян риоя мекарданд.
Аммо муносибати мардум ба маъракаи ваксинзанӣ аз аввал ҷиддӣ набуд ва кам таваҷҷӯҳ мекарданд.
"Бо баргузор кардани корҳои фаҳмондадиҳӣ назари мардум нисбати ин дард ва ваксин тағйр ёфта ҳоло 21 дарсади аҳолии шаҳри Норак ваксин гирифтаанд", - гуйфта мешавад дар хабар.
Вазорат мегӯяд, ҳоло ба шаҳри мазкур ҳар се навъ ваксин, ки ҳоло дар Тоҷикстон мавҷуданд, дастрас гардидааст.