ДУШАНБЕ, 10 авг — Sputnik. Дар набарди калидии марҳилаи нави мусобиқаи EAGLE FC 39 дар Нижний Новгород, паҳлавони тоҷик Фаридун Одилов иштирок мекунад.
Размикори тоҷик бо намояндаи Бразилия Марсио Сантос вомехӯрад.
Одилов дар корномаи варзишияш то кунун 11 бурд ва 2 бохт дорад. Сантос бошад, 16 набардро бо пирӯзӣ анҷом дода, шаш мағлубият дорад.
Вохӯрӣ 22 август дар маркази варзишии Нагорний баргузор мешавад.
Интизор меравад, ки президенти Eagle FC Шамил Завуров ва муассису соҳиби лигаи EFC, қаҳрамони мағлубнашудаи UFC Ҳабиб Нурмагомедов дар ин чорабинӣ ширкат кунанд.