ДУШАНБЕ, 24 июл — Sputnik. Амрико аз мақомоти се кишвари Осиёи Марказӣ – Тоҷикистон Ӯзбекистон ва Қазоқистон дархост кардааст то муҳоҷирони афғонро муваққатан дар қаламрави худ ҷой диҳанд то раводиди онҳо барои сафар ба Амрико омода шавад, иттилоъ додааст хабаргузории “Рейтерс”.
Тибқи иттилои манбаъ, миёни паноҳандагони нафароне ҳастанд, ки қаблан бо нерӯҳои амрикоӣ ва ғарбӣ дар Афғонистон ҳамкорӣ мекарданд ва акнун бо хуруҷи нерӯҳои хориҷӣ аз Афғонистон, ҷонашон дар хатар аст.
Ёдрас мешавем, ки Ҷо Байден, раисҷумҳурии Амрико чанд ҳафта пеш эълом кард, маъмурияти нерӯҳои кишвараш аз Афғонистон то 31 август хотима меёбад.
Ҳамзамон бо хуруҷи нерӯҳои амрикоӣ, ҷангҷӯёни гурӯҳи Толибон (маманӯъ дар қаламрави Русия ва Тоҷикистон) низ ба ҳамалоти худ афзуда ва дар ҳафтаҳои гузашта манотиқи васеъеро ба контроли худ даровардаанд.
То кунун Қазоқистон ва Тоҷикистон ба дархости мақомоти амрикоӣ посухе надодаанд.
Бояд қайд кард, ки дар ҳоли ҳозир ҳудуди 100 ҳазор афғонистонӣ дорои шароити муҳоҷират ба Амрико ҳастанд.