ДУШАНБЕ, 4 июл — Sputnik. Дар деҳаи Соколинои ноҳияи Бахчисарайи Қрим бар асари боришоти шадиди борон сел фаромад, менависад РИА Новости.
Ба иттилои манбаъ, ҳоло ҳудуди 50 манзили истиқоматӣ зери об мондаанд.
Гуфта мешавад, дар ҷойи ҳодиса 16 нафар наҷотбахшон бо се техника фаъолият мебаранд.
Гуфта мешавад, 4 ва 5 июл дар Қрим ҳавои номусоид пешгӯи карда шуд. Дар минтақаҳои ғарб, ҷануб, шарқ ва марказӣ боришоти шадид шурӯъ шуда, то 50 мм боришот дар назар аст ва фаромадани сел пешгӯи карда шуд.
Ёдовар мешавем, ки рӯзи 17 июн як тӯфони қавӣ Қримро фаро гирифт ва обхезии шадид дар Керч сар зад. Он замон мақомот ҳолати фавқулода ҷорӣ намуданд.
Зимнан, дар рӯзи баъдӣ боронҳои шадид болои Ялта бориду дарёҳо аз соҳил лабрез шуда, кӯчаву хонаҳоро зер карданд. Офати табиӣ ба минтақаҳои Феодосия, Ленин ва Кировскийи Қрим низ таъсир расонд.