ДУШАНБЕ, 28 июн - Sputnik. Антон Глушков, роҳбари Иттиҳодияи миллии бинокорон, дар бораи оғози эмгузаронии оммавӣ дар байни муҳоҷирони меҳнатии Маскав ибрози назар кард.
Глушков гуфт, сохтмончиёни шаҳри Маскав албатта аз ин иқдом истифода хоҳанд кард.
“Гап дар он аст, ки дар ҳоли ҳозир муҳоҷироне, ки баъди ҷорӣ кардани маҳдудиятҳо боқӣ мондаанд, хеле каманд ва шеваи феълии вуруди муҳоҷирон низ хусусияти ягон - ягонро дорад”, - гуфт Глушков.
Тибқи гуфтаи роҳбари Иттиҳодия, норасоии умумии муҳоҷирон дар сохтмонҳои Русия тақрибан 1 миллиону 200 ҳазор нафарро ташкил медиҳад.
Бояд гуфт, ки эмкунӣ дар байни муҳоҷирон ва шаҳрвандони хориҷӣ дар Маскав оғоз ёфт. Бо дархости корфармоён муҳоҷирон барои оғози кор дар реҷаи озмоишӣ эм карда мешаванд.
Эмгузаронии муҳоҷирон дар Маскав дар маркази муҳоҷират дар Сахарово сурат мегирад ва ба зудӣ нуқтаи дуввум дар маркази савдои “Садовод” боз мешавад. Хароҷоти ваксина 1300 рубл аст, ки онро корфармо пардохт мекунад.