ДУШАНБЕ 25 июн - Sputnik. Нуздаҳ хонандаи мактаби миёна дар шаҳри Соколови Чехия субҳи рӯзи ҷумъа яке паси дигаре беҳуш шуданд, хабар медиҳад РИА Новости.
Тавре, табибони ёрии таъҷилӣ гуфтанд, аввал ду талаба аз ҳуш рафт, сипас оҳиста оҳиста шумораи онҳо ба 19 нафар расид.
Ҳашт гурӯҳи ёрии таъҷилӣ, пулис ва оташнишонон ба ҷои ҳодиса ҳозир шуданд.
Ду сабаби асосии беҳушшавӣ аз газ ё заҳролудшавӣ аз ғизо тафтиш карда мешавад.
Ба гуфти мақомот, то ҳол сабаби асосӣ маълум нашудааст.
Гуфта мешавад, толибилмон аллакай ба худ омадаанд ва ҳаёти онҳо дар хатар нест.
Қайд карда мешавад, ки тамоми кормандони мактаб дар ҳолати хуб қарор доранд.
Ёдовар мешавем, ки пештар аз як гирдбоди шадид дар Чехия хабар дода шуд, ки ҷони садҳо нафарро гирифт ва чанд шаҳру навоҳиро хароб кард.